IR30470

Learning Outcomes:

Ag deireadh an tSeimeastair Ghaeltachta:

1. Beidh ar chumas an scoláire é/í/iad féin a chur in iúl go soiléir cruinn beacht ó bhéal agus i scríbhinn.
2. Beidh ar a (g)c(h)umas freisin cuntas cruinn slachtmhar a thabhairt ar ghnéithe de chultúr na Gaeltachta agus den stór focal agus den saibhreas cultúir a bhaineann leis na gnéithe sin.
3. Beidh feasacht ag an scoláire ar theanga agus ar chultúr na Gaeltachta.
4. Beidh tuiscint ar leith aige/aici/acu ar thréithe sainiúla an phobail Ghaeltachta áirithe a mbeidh sé/sí/siad lonnaithe ann le linn an tseimeastair.
5. Beidh sé/sí/siad ábalta léirmheas ó bhéal agus i scríbhinn a dhéanamh ar na gnéithe seo.
6. Beidh an líofacht chuí ag an scoláire a chuirfidh ar a (g)c(h)umas páirt ghníomhach a ghlacadh i saol na Gaeilge go sóisialta, go gairmiúil agus go hacadúil.
7. Beidh na scileanna faisnéise cuí ag an scoláire a chuirfidh ar a (g)c(h)umas feidhmiú go héifeachtach trí mheán na Gaeilge san aonú haois is fiche.
8. Beidh ar chumas an scoláire féinmhachnamh agus féinluacháil a dhéanamh ar a (g)c(h)uid foghlama agus beidh tuiscint aige/aici/acu ar a ról féin i saol na Gaeilge.
9. Beidh na scileanna cuí ag an scoláire a chuirfidh ar a (g)c(h)umas leanúint ar aghaidh lena (bh)f(h)oghlaim neamhspleách i léann agus i gcultúr na Gaeilge.

Indicative Module Content:

Tabharfaidh an modúl seo aghaidh ar:

1. Saibhriú agus Scileanna Teanga
2. Scileanna Cumarsáide agus Cur i Láthair
3. Teicneolaíochtaí Aistriúcháin agus Teanga
4. Cultúr Dúchais na Gaeltachta
5. Pobal na Gaeltachta sa lá atá inniu ann
6. Tionscnamh Gaeltachta

Student Effort Hours:

Approaches to Teaching and Learning:

Glacfaidh an scoláire páirt in obair ranga, in obair ghrúpa, i gceardlanna, in obair neamhspleách agus cuirfear go leor béime ar an bpróiseas féinteagaisc san fhoghlaim teanga. Beidh foghlaimeoirí ag comhoibriú le chéile mar ghrúpa ar mhaithe leis na bealaí is éifeachtaí chun torthaí foghlama atá aontaithe leo a bhaint amach.

Tarraingeofar ar ábhar dílis, ar chartlanna, ar bhealaí nuálacha foghlama, ar ardáin, acmhainní agus uirlisí d(h)igiteacha agus ar an suíomh uathúil Gaeltachta ina mbeidh an scoláire lonnaithe. Bainfear leas as scannáin, as cláir theilifíse agus as ábhar cartlainne fuaime agus físe mar áiseanna teagaisc agus foghlama. D’fhonn léargas níos iomláine a thabhairt don scoláire ar chultúr na Gaeilge agus na Gaeltachta agus chun plé a spreagadh, beidh clár cuimsitheach d’imeachtaí cultúrtha, sóisialta agus siamsaíochta mar chuid lárnach den Seimeastar Gaeltachta.

Reáchtálfar ceardlanna agus aoiléachtaí le linn an tseimeastair agus déanfar gach iarracht tascanna a dhearadh a spreagfaidh an scoláire chun rannpháirtíocht ghníomhach a ghlacadh sa phobal. Beidh deis ag scoláirí freastal ar imeachtaí cultúrtha de chuid an phobail agus imeachtaí dá gcuid féin a eagrú.

Foghlaim ghníomhach agus thascbhunaithe
Obair i ngrúpaí agus le comhscoláirí
Léachtaí agus ranganna beaga
Scríbhneoireacht chruthaitheach agus mhachnamhach
Cur i láthair ó bhéal

Dath Dearg: Níl cead ag scoláirí intleacht shaorga (IS) ghiniúnach a úsáid don mhodúl seo.

Requirements, Exclusions and Recommendations

Not applicable to this module.

Module Requisites and Incompatibles

Pre-requisite:
IR10040 - Teanga na Gaeilge I, IR20010 - Teanga na Gaeilge II B, IR20180 - Teanga na Gaeilge II A


 

Assessment Strategy

 

Please see Student Jargon Buster for more information about remediation types and timing. 

Feedback Strategy/Strategies

• Feedback individually to students, post-assessment

How will my Feedback be Delivered?

Written and oral feedback